الجسر
مرحبا بك على الصفحه الخاصه بابناء سنفا
نرحب بك ضيفا وعضو معنا من سنفا او من خارجها


الجسر منتدى شباب سنفا نقد هادف واراء صريحه
 
البوابةالرئيسيةمكتبة الصورس .و .جبحـثالأعضاءالتسجيلدخول

شاطر | 
 

 ياعم ياللي عايش الدور..........فكك بقي من اللي انت فيه

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
خالدامين
عضو فضى
عضو فضى
avatar

ذكر
الابراج : الجدي العمر : 31
عدد الرسائل : 897
تاريخ التسجيل : 07/05/2008
الوظيفه :
الهوايات :
درجه احترام العضو :
نقاط : 3371
السٌّمعَة : 0

مُساهمةموضوع: ياعم ياللي عايش الدور..........فكك بقي من اللي انت فيه   السبت يناير 31, 2009 5:35 pm

يارب يكون موضوعي المره دي يقدر يوصل للي يقراه اللي انا عاوزه والاقي بجد مشاركات تذود من الموضوع وتضيف ليه




حب لظهور....حب التلميع.........البروباجندا.........شايف نفسه.......واخد قلم في نفسه..........عايش الدور


دي كلها مطصلحات اللي انا فاكرها تعبر بايجاز عن اللي انا عاوز اقوله



وفيه مواقف بتخنق منها بجد واعتقد ان كل الناس بتشاركني الراي بالنسبه للمواقف دي برده


المواقف دي زي

1_عيل صغير او شاب غير متعلم او تعليمه علي قده وفي الغالب عاطل واخلاقه زي النيله واسلوبه متبهدل وهو نفسه متبهدل وعايش دور الرجوله الغير متناهيه والتي ليست علي اي اساس ودايما بيحب يظهر رجولته ب.......1...الصوت العالي 2.........تتخين صوته 3........الشتيمه في خلق الله 4........ادعاء انه حامي حمي الستات والبنات وهو اول من يجرح عفافهم 5......التريقه علي اقرانه والسخريه منهم 6....مسكه السيجاره 7.احيانا سب الدين 9.كثره الخناق 10.وهي الاهم هو انه دائما ما يتكلم عن الرجوله والجدعنه والشديه والمرجله وعن اشياء هو ابعد الناس عنها
كنت في تانيه اعدادي وطالع اوصل واحده قريبتي وبنتها بعد ماكانوا بيزورونا ولسبب ما كانوا خرجوا قبلي وانا اتاخرت عنهم شويهوبعدين خرجت وراهم وبحاول اني الحقهم وقبل ما الحقهم ببتاع عشره متر كده لقيت واحد من اياهم موقفني وبيقولي انت ماشي وراهم ليه وعاوز منهم ايه وقعد يقولي احترم نفسك واعتبرهم ياخي امك واختك وحاجات من دي .المهم اني يومها فهمته الدنيا ازاي وان دول قرايبي وانا رايح اوصلهم وكده وقدرت انه واد جدع وتلاقيه حس اني بعاكسهم او بضايقهم او حاجه فحب انه يتدخل
والله العظيم تاني يوم علي طول لقيت اخينا ده بيعاكس واحده في المنطقه وهيه علي باب بيتهم من غير اي حياء ولما جه واحد يكلمه زعق فيه وعمل فيها بلطجي
الواحد ده انا عارفه كويس وناس كتير قوي عارفينه ولو قلتلهم عليه هيعرفوه هو وشلته اللي من نفس النوع
ياعم عيش قدراتك وظبط نفسك الاول وبعدين اتصرف واتكلم واعمل كل حاجه من خلال حاجه موجوده فعلا في شخصيتك ..زارجوك عيش الواقع
2_شاب في العشرينات او في المرحله العمريه من 13 الي 25 سنه تلاقيه مسقط البنطلون وفاتح القميص شويه وفي الغالب بيكون لابس لبس غريب وغير متناسق وماسك الموبيلوالسيجاره ومشغل اغاني الموبيل علي اعلي صوت وماشي الساعه اتنين بالليلفي وسط البيوت والناس النايمه وبيحاول يتكلم مع زمايله بلهجه شبه قاهريه لكنها مفقوسه وتلاقيه شايل موبيل بالشيء الفلاني وعلبه سجاير بالشيء الفلاني وهدوم بالشيء الفلاني وبيحاول يتفلسف علي اللي حواليه ويتغندر عليهم ويعملك فيها ابن بارم ديله وهو اساسا مش لاقي ياكل وتلاقي ابوه طالع عينه في الشغل في الغيط او الورشه بتاعته وطالع عينه واخينا بيرجع ينام الفجر ويصحي العصر وولا بيشتغل ويساعد وولا بيتعلم وكله همه البنات وما اشبه من وسائل
كنت راكب الميكروباصانا وواحد قريبيفي الكرسي الاخير ولقيتلك واحد من العينه دي جه وركب جنبنا في الكرسي وهو فاتح الموبيل علي اعلي حاجه واغاني غريبه جدا من نوعيه الست لما وانا مش عارفني ويتخللها احيانا بعض اغاني اصاله ووائل جسار<مش عارف ايه حبهم في الخلط بين هؤلاء واولائك> والعربيه كلها مصدعه وطالع عينهم من مشاوير وتعب اليوم واحنا في اخر النهار
ليه بتفرض زوقك علي الناس
وليه اساسا مبتجيبش ليك علي الاقل سماعه وحطها في ودنك واسمع انت لوحدك
وليه بترسم نفسك انا مش فاهم
ياعم عيش عيشه اهلك وعيش علي قدك وعيش حجمك ومتعيش الدور واحترم خصوصيات الاخرين...ابوس ايدك
3_شاب في العشرينات والثلاثينيات واحيانا الاربعينيات عائد من السفر بالخارج غالبا الامارات وراجع بالهيئه دي1.لابس جلابيه خليجي وشبشب معروف كده انه بتاع الامارات 2..يتكلم بلهجه خليجيه مصطنعه مثل كيفك وشو رايك وكيف الحال واريدك وكلام منالنوعيه دي 3..حاطط ريحه فواحه هي في الغالب لجزب الانتباه 4.يتندر دائما علي ايام الامارت ويقارن بين الحياه هناك 5..احيانا تلاقيه يحتفظ بشال ابيض وعامل سكسوكه ونازل بعربيه جمرك حتي لتظن عند اول وهله تراه فيها انك في الامارات ولست في سنفا او مصر
انا لا اعترض علي بعض هذه الاشياء وقد التمس العزر واقول انهم ربما تطبعوا بطباعهم لكثره احتكاكهم بهم ولكنني اجدني غير موفق في حكمي هذا في بعض الاحيان حيث يكون هذا الشخص لم يبقي هناك او عام او اكثر قليلا وهي فتره بالطبغ ليست كافيه لمحو ثقافته وتطبعها باخري مغايره تماما
لكنه حب الظهور
جلست مع احدهم في يوم من الايام فجعل يتكلم عن اشغاله هناك وحياته هناك وعمله ودنيته الكبيره هناك ويقاارن بين حياته هناك وتلك هنا وهو اللذي لم يبقي هناك اكثر من سنتين كل ذلك وهو يلبس الجلباب الخليجي والشبشب اياه وعامل السكسوكه الخليجي وعازمني علي بندق وشيكولاته
هالني بعد ذلك ان سمعت انه لم يستقر في عمل واحد اكثر من ارعه او خمسه اشهر وانه الي الان لم يلتحق بعمل ثابت ومؤكد
لا اعلم هلي لي الحق ان اتكلم عن هؤلاء اللذين يتخلون عن ثقافتهم بارادتهم ويتمسحون بثقافه اخري مغايره تماما تنتقص من قدرهم ولا تذيد في عيونمن يعاشرهم فالناس وانا واحد منهم يعتبروها نوعا من العنجهيه
ياجماعه عبدالرحمان الابنودي عاش في القاهره اكثر سنين حياته واللي الان مازال لا يستطيع ان يتكلم غير اللهجه الصعيديه وغيره كثر مثل مصطفي بكري وغيرهم فاصلك وثقافتك لا تتغير الا اذا حاولت جاهدا التملص منه
انا اعترض وفقط وقد اكون مصيب وقد اكون مخطا وارجو المناقشه
ياعم عيش ثقافتك واصلك وتربيتك وسيب نفسك علي طبيعتها ومتحاولش الا اذا اتغيرت غصب عنك طالما انه ليس تغييرا الي الافضل وليس تغييرا جوهريا


4_غالبا هي فتاه علي اعتاب الجواز او ربنا رزقها بجوازه كمويسه وفي الغالب هي من زوي التعليم المتوسط او فوق المتوسط وتجدها لا تتكلم جمله علي بعضها الا وتحشر فيها بعض الكلمات الانجلييزيه والتي تتلون في نطقها وتنطقها دائما بالشكل الخطأ وقد تجد ان الجمله كلها نطقت في غير موضعها ولكنها اتت بها فقط لنتطق بجديدها من الكلمات الانجليزيه حتي تتفلسلف علي امثالها واللذين قد يكونون افضل منها مليون مره تعليما وثقافه والماما بالانجلزيه ولكنه حب الظهور اللذي يعمي وهي خير نتاج لهوجه التمسك بالجنبي التي تنتشر بصوره كبيره في مجتمعنا فتجد مثلا محلا صغيره في عزبه زعزع مثلا وقد كتب صاحبه عليه مثلا سوبر ماركت باتمان ونادرا ماتجد من يكتب بقاله الاخلاص مثلا وهي كلمه ارفقي واشيك بكثير لو كنتم تعلمون
يقولون بان الفرنسي يعتز بلغتهه جدا حتي انك لاتجد من يتكلم معك بالانجليزيه في فرنسا حتي لو كان يتقنها.ومنذ فتره وبالرغم من ذلك قرات عن رساله بحثيه فرنسيه تتخوف من هجمه اللغات الاجنبيه علي اللغه الفرنسيه
فلك الله يا لغتنا العربيه
كنت ازور احداعرفه وهو مريض واحاول ان اري ما ياخذه من ادويه الا ووجدت زوجته تشرح لي ما ياخذه من ادويه وهي تحاول ان تتصنع في نطق اسامي الدواء بصوره خاطئه تماما لا تجعلها اسامي لادويه بل تجعلها مثلا بضاعه طماطم وخضار وحاجات كده في سوق الخميس
ولكن ما اقلق جلستي انني وجدتها تسالني تاخد drinkايه سوفت والا كولد..ززقولتلها عاوز شايوياريت لو حلبه حصي
ياريت تعيشي ثقافتك وتعليمك وقبل ده كله تتكلمي مع الناس زي ما بيتكلموا معاكي باللغه العربيه والتي هي ليست عربيه اصلا بل هي عاميه رديئه وياريت محدش يتفلسف يا ناس ياهو.الناس عادت فاهمه وواعيه وعارفه


5_في الغالب تلاقيه عنده عقده او كان نفسه يوصل لحاجه ومعرفش فاتملي حقد علي كل حد وصل للحاجه دي من غير مناسبه.الحكايه دي مش في مواقف معينه لا دي في مواقف كتيرجدا فتلاقي الفقير قليل الدين بيحقد علي الغني والاقل تعليما يحقد علي الاكثر تعليما والاقل جمالا تحقد علي من تفوقها جمالا ومن لم تتزوج تحقد علي من تزوجت قبلها ودوما الاقل في اي شيء يحقد علي من يفوقه في هذا الشيء
انا لا اتكلم بصوره عامه فنحن كمسلمين علمنا ديننا القناعه وهو مايتحلي بها كثيرا من الناس وان كنا في بلد صغير كسنفا نتميز بالنزعه الايمانيه القويه بعض الشيء والتي تتمثل في الرضا وحمد الله الا ان ذلك لا يمنع انه هناك من يعيبه هذا العيب الخطير
فمن العادي الان ان تجد من يكره شخصا كده لله في لله دون اي تجارب بينهم تعزز هذا الكره او قل هذا الحقد سوي انه افضل منه في شيء ما يتمناه هذا الشخص
فتجده يشتمه ويسبه بل ويدعي ماهو غير صحيح بغرض التقليل او التحقير من ميزته هذه وهذا كله من ورائه في صوؤره غيبه ونميمه وخلافه فهو لن يهأ ولن يرتاح الا يتخلي هذا الشخص عن ميزته الافتراضيه والتي قد لا تكون ميزه بلي هي صفه ولكنه يكفيه انه يراها هكذا
كنت عن حلاق اعرفه وكان يجلس احد الاشخاص واللذي اعرفه ويعرفني وكنت اتكلم مع الحلاق وانا كنت قد تفرغت لتوي من الحلاقه الا ووجدته يسالني عن خططي واحلامي وكلام من هذه النوعيه ولكنني في غمره هذا الحديث وجدت الاخر شيء ما قد استفزه لا ادري ووجدته يتكلم عن الطبيب وكيف هو يضيع سنوات من عمره في التعليم ويخرج ليعمل بمرتب قليل ويكون قد تاخر عن اقرانه وانه لذلك كن لا يحب هذه الكليه<تقولش يعني كان اول الجمهوريه وحسني مبارك كان بيبوس ايده علشان يدخل الطب> وشرع في الحديث عن كثره الاطباء باسلوب غير لائق وبانه قد يستدعي الطبيب الي بيته وفي نفس الوقت هو بقي له اكثر من يومين لا يستطيع ان يحلق لا الحلاقين مذدحمين وكانه يقارن بين الطبيب والحلاق ويرجح كفه الحلاق
لم اناقشه ولم ابادله الحديث في امر لا تستطيع اقناعه به فهو ما دفعه الي ذاك الحديث في الغالب الا حقده فهو يعمل في مهنه ابسط كثيرا من اي مهنه اخري واعلم انه رسب كثير في كليته السهله جدا حتي تخرج منها وايضا انه لم يطلب منه احد التدخل في الحديث وايضا كان يتكلم بصوره غير مرضيه
نهايه اني تركته وخير من اجابه مثل هذا هو تجاهله وخرجت من المحل
انا لا ادعي افضليه مهنه علي اخري فالكل واحد في المجتمع ولكل دور والافضليه ليست حكرا علي احد فكل عناصر المجتمع مهم ولكن هناك ترتيب طبيعي للاهميات ودرجه الاحتياج للمهنه الواحده وهي تتدرج حسب صعوبتها وعدد متقنيها واحتياجي اليها وطبيعه الاحتياج هذا وامور كثيره اخري
خلاصه القول انه ينبغي لكل شخص ان يعمل في مجاله ولا يصادر علي الاخرين عملهم او اختياراتهم لان ذلك سيفسر في غير مصلحته
ياريت تعيش حياتك زي ما هييوتعيش حجمك وتحاول تبقي متميز في مجالك وتقوي اختياراتك وانت ممكن ان تتميز في مجالك وقد تفوق من هم نظريا افضل منك
اتمني ايضا ان تعيش قدرك ولا تتطرق الي مواضيع او الي كلامات تنتقص منك الكثير<وانت مش ناقص>
6_تجده يتقمص دور الناصح الامين وهو احق الناس بالنصح في امور ينصح فيها فتجده مثلا في سن العشرينات ويتقمص دور الشخص الجاد اللذي لا يحب الطيش والتهريج علي حد قوله وكانه مثلا عالم بتروكيماويات في شركه انبي او بلاعيم<مش عارف اشمعني دول اللي انا قولتهم> وتجده ايضا يحاول ان يرسم صوره قد تتخيله من خلالها في الاربعينيات من العمر ان لم تكن قد رايته من قبل وقد يرسم ايضا الشخص المهموم بقضايا هي اكبر من حجمه وهي بعيد ه كل البعد عن اهتماماته
مثل هذا تجدهم كثيرون جدا جدا وفي كل مكان ولا يوجد شخص الا وصادف مثله
ياعم عيش سنك وثقافتك واعلم ان لكل مرحله عمريه تقاليدها الخاصه بها وكن نفسك ولا تتجاوز شخصيتك ايا كانت
انا هنا لا ادعي العالم ببواطن الامور ولا اعيش دور الناصح اللرشيد ولكنها افكار ورؤي قد يختلف معي فيها احد وقد يتفق اخر
اتمني ان تكون التعليقات مرفقه بمواقف واحداث من نفس النوعيه واسباب الاختلاف او الاتفاق
نهايه يا جماعه نفسي ان تختفي ثقافه عايش الدور من بيننا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ostaz_joker
عضو نشط
عضو نشط
avatar

ذكر
الابراج : السمك العمر : 31
عدد الرسائل : 172
تاريخ التسجيل : 09/12/2008
الوظيفه :
الهوايات :
درجه احترام العضو :
اوسمه 3 :
نقاط : 3300
السٌّمعَة : 3

مُساهمةموضوع: رد: ياعم ياللي عايش الدور..........فكك بقي من اللي انت فيه   السبت يناير 31, 2009 6:59 pm

على فكرة ياخِلّو :
إنت قبل كده كنت بِتْعِيش الدّور كتير
وده مش رأيى لوحدى
ده رَأْى ناس كتير من دُفْعِتك
لكن دلوقتى إنت اتغيّرت كتير
( طبعاً للأحسن )
يمكن سنوات الدراسة فى الطب هيّه اللى غيّرتك
-----------
وهاحكيلك عن موقف من النّوعيّه دى فى رد تانى
[/b][/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خالدامين
عضو فضى
عضو فضى
avatar

ذكر
الابراج : الجدي العمر : 31
عدد الرسائل : 897
تاريخ التسجيل : 07/05/2008
الوظيفه :
الهوايات :
درجه احترام العضو :
نقاط : 3371
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 2:46 am

ههههههههههههههههههههههههههههههههههههههه




اقولك علي حاجه




من غير ما اعرفك او اعرف شخصيتك الغير معروفه




اقسم بالله العظيم انك ماتعرفني غير اسما فقط وبالكتير قوي لو فيه تعامل بينا
انا متاكد انه مش اكتر من سلام عليكم وعليكم السلام ازيك الله يسلمك





عمري ماكنت زي مابتقول






واحياه عنيك يا استاذ جوكر تحكي الموقف اللي انا متاكد انه سوء تفاهم او حاجه زي كده




اشطه عليك يا كبير

وبعدين صحيح انت محددتش انهو نوع من الانواع اللي انا كاتبها هو النوع اللي انا كنت فيه






بس انت برده بالرغم من كده انت مقولتش رايك في الموضوع يا كبير


كلامك ده كان ممكن تبعته في رساله خاصه لكن رد علي الموضوع.........صعب شويه



مستني الموقف يا استاذجوكر





اشطه


كفرشكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روح من نور
عضو فضى
عضو فضى
avatar

انثى
الابراج : العقرب العمر : 25
عدد الرسائل : 744
تاريخ التسجيل : 18/01/2009
الوظيفه :
الهوايات :
درجه احترام العضو :
نقاط : 3211
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 4:00 am

موضوع رائع يا خالد بجد
بس الى مدايقنى انك علقت وقلت لهجة قاهريه
يعنى ايه المشكله اما حد يتكلم قاهرى او غيره
عملوا ايه يعنى بلهجتهم ياما قرويين واحسن منهم

بالنسبه لعيش سنك
انا عندى ناس بالهبل فى الكليه مش عايشة سنها وعامله نفسها كبيرة ومش عارف ايه
يعنى انا بعمل نفسى كبيرة بجد وقت المشاكل
يعنى اما احل مشكله بين اتنين بس كده
غير كده بتوجهه ليا انتقادات كتيير جدا لانى عايشة سنى
واحاول اقنع فيهم يا جماعة احنا لسه فى سنة اولى وعيشوا حياتكوا وما يهمهكوش حد مفيش فايده


عيش حجمك او واقعك
ناس تبقى عامله نفسها شيك اوى ونضا ف اوى وولاد ناس اوى وبعدين فجأ÷ تكتشف انهم وحشين اوى فى موقف وبينموا بأه


فى كمان
واحدة بتكلم ولاد والتانيه بتكلم ولاد بردو بس اقل المهم يعنى فى مرة تناقشوا فى موضوع الكلام مع ولاد واكتشفنا فى الاخر انهم عارفين انه غلط ووالى بتكلم كتير دى قالت للتانيه ماتشوفى صاحبتك ونفسك وكده يعنى
قالتلها بالظبط
غريبه رغم انك مشجعة صاحبتك انها تكلم ولاد

مع العلم ان الى قالت كده هى اى عامله نفسها بنت ناس وعاقله


كمان
عيش حجمك
تبقى واحدة باباها بيشغل شغله حلوة وماشاء الله اغنياء ومقتدرين وباباها راجل سخى وكريم اوى
فى مرة كانت جايه بشال فرو جايباه منين يا ينتى
جايباه من امريكا
طبعا الموضوع مدخلش خالص دماغى
بجد يا حبيببتى طيب مبروك
فى يوميها كنت سأله اختها الصغيرة قالتلىى انه من السعوديه
كان هيحصل ايه لو قالت الحقيقة
انا عارفة بردو انى مكنش اسأل بس اكلت منها كتيييييييييير اوى فكنت خلاص باه


واللهى بأه تلاقى كمان واحد نضيف واهله نشهورين واغنياء بردو
ولا يعترف للتقاليد والاصول بوجود فى حياته
هو حصل موقف بس غبى بجد ومحرج اوى
ليه امانه عندنا اوكى واحد صاحبة صاحب اخوية بردو اتفقفوا انها تتحط عندنا فجه البيت مرة وكان واحد غريب دخله الحمام وكمان قال لبابا انا بس عايز اتطمن على الامانة
انت متخيل
ومكنش اصلا اتكلم قال انا جاى
ده عدى جمب لببيت قام نازل ورانن الجرس
حتى اصلا حاطط عينه على الباب ومش رادى يشيلها يعنى بأه لومكنش باابا فى البت ساعتها كان هى الى هيحصل
وكمان الولد الى دخل احلمام ده
غباء بجد
خويه ااما عرف الى حصل طبعا رجعله الاماانه وعرف صاحبه الى عمله وقاله عند حد تانى بأه مش هيطب على البيت كل شويه كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روح من نور
عضو فضى
عضو فضى
avatar

انثى
الابراج : العقرب العمر : 25
عدد الرسائل : 744
تاريخ التسجيل : 18/01/2009
الوظيفه :
الهوايات :
درجه احترام العضو :
نقاط : 3211
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 4:14 am

فى بردو
واده من الاسماعليه معانا فى الجامعة
المهم بتقول كلام غريب جدا جدا
فى اللهجة بردو
احنا مش متعودين عليها خالص
رغم انى خلاص ادت على الامر وبقيت متقبلاه الى حد ما
المهم يا سيدى هى تقول الكلمه دى واحنا كنا نتريق عليها ونقوله انتى جايه من بلبيس والا ايه
طبعا احنا غلطانين
بس بردو هى كانت كل شويه تقول انها من القاهرة وبس عايشه فى الاسماعليه رغم انى اراها كويسة (الاسماعليه يعنى((





فى بأه مواقف تانيه

يعنى مثلا فى تاريخى الحافل بالالتزام
ههههههههههههههههه
ده بس فى التيرم الاول
المهم
بحضر بدرى وعايشه دور الملتزمة
اتطردت انهارده من المحاضرة
تيجى واحده تقول يا سلام
انتى
الملتزمة ومش عارف خد يا كلام من ده بأه



فى موضوع تناى غبى بجد ومدايقنى جدا كمان ومش عارفه اعمل ايه فيه اصلا
بنات يا سيدى كانوا ماشيين معايا
اوكى
وانا مش بكلم ولاد الا اما اكون عايزة حاجة اوى
وهما ماشين معايا اوكى
وعلى كلامى
واحده معجباهاش استمرار الوضع ومستريحتش معايا او الله اعلم ايه الى حصل فمشيت
التانيه بأه قعدت تقنع فيا اننا نمشى بس فى حدود الاحترام والادب
مفيش فايده سابنى بردو وراحت مع الناس الى كده
الى هنا ايه هو
انهم كانوا معيا على حاجة سابونى انقلبوا تماما
وده بجد انا مدايقاله جدا









بس محدش اصلا باه صادق فى حياته مع نفسه عشان كده الحاجت دى موجوده اوى وكتيييييييير جدا كمان



بس الواحد فعلا لازم يحاول يتغير ويغير
انا عن نفسى عايشه سنى اوى وبراحتى ومحدش من البنى ادمين الى معايا فى الجامعة له عندى حاجة اما بعمل حاجة يقال انها هبله
بس ده سن الهبل بصراحة
مش هبل اوى
بس مراهقة
تسرع
اندفاع
جنون
كده
لا ازاى
لازم نعيش دور العاقلين رغم انى بردو الحمدلله اتمتع بعقلانية كبيرة عن زمايلى بس بتخلى عنها كل اما احتاج عشان اخد ترفيه من الدنيا شويه وشده المزاكرة



بس






هههههههههههههههههههههههههههههههههههههههه
انا طولت اوى اوى ويمكن خرجت عن الموضوع بس مش همسح انا الكلام ده كله بعد ما كتبته
اتدبس انت فى قرايتة بأه
هههههههههه
سلام
مودتى
لا اله الا الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خالدامين
عضو فضى
عضو فضى
avatar

ذكر
الابراج : الجدي العمر : 31
عدد الرسائل : 897
تاريخ التسجيل : 07/05/2008
الوظيفه :
الهوايات :
درجه احترام العضو :
نقاط : 3371
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 5:08 am

حمدلله بالسلامه


انا بقالي اسبوع بقري في الكلام

بس مبسوط ان كلامي وموضوعي لمس حاجه مهمه لدرجه المواقف والكلام ده كله


عالعموم شكرا بجد ليكي

وبالنسبه للهجه القاهريه انا بنقل ما اراه ولا ادعي تميز اللهجه القاهريه او خلافه ولكن اقول ما اراه وهو ده اللي بيحصل بالفعل وده اللي مضايقني...ماتتكلم براحتك ياعم وبلاش عوجه لسان ما دام مش عارف تتكلم كويس كده



وبالنسبه للمواقف اللي حكتيها دي مشهوره قوي وموجوده قوي والدنيا كلها عايشه فيها



والناس اللي مش عايشه سنها دي فعلا بتبقي ناس غريبه قوي
كنت في سنه اولي واحنا لسه خارجين من ثانوي الاقي واحد جنبي لابس بنطلون بكوسر وقميص غريب جدا وشنطه من ام ايد ديي شبه السنوسنيت ولو نظره حلوه برده يلبس النضاره وجايب السماعه وجهاز الضغط وحاجات من نوعيه رسم دور الدكتور اللي بقاله 30 سنه شغال في المستشفيات وهو لسه في سنه اولي
وتلاقيه عمال يدي نصايح يمين وشمال ووطي صوتك لو سمحت والتزم بمش عارف ايه لو سمحت ومتتاخرش عن المحاضره ولو ساكن معاك تلاقيه عمال يقولك زاكر ومتخرجش ونضف مش عارف ايه واعمل ابصر ايه وحاجات كده

وللاسف علشان انا بحب الهيصه والزنبليطه شويه وبحب دايما اعيش اللحظه زي ما سيد شكمان بيقول كنت دايما اقع مع النوعيه دي ومكناش نستريح في بعض ابدا

والعجيب ان اخر السنه ممكن قوي تلاقي نفسك جايب تقديرات احسن منهم









شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Eng.5StarS
شخصيه هامه
شخصيه هامه


ذكر
الابراج : الميزان العمر : 32
عدد الرسائل : 1683
تاريخ التسجيل : 04/05/2008
الوظيفه :
الهوايات :
درجه احترام العضو :
اوسمه 3 :
نقاط : 3356
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 2:11 pm

يا سلام

موضوع جامد و ليا بعض التعليقات عليه

بس احب انقشك فيها على الخاص

انا لي تعليق على حوار الغرور و التكبر

يا جماعه الواحد مش شرط يمشى يكلم كل الناس

و يصاحب كل الناس ؛ يعنى احيانا بيبقا فى ناس

ما تقدرش تحكم على شخصيتهم من التعامل السطحى

ياما ناس تبص ليهم تقول دا ياعم مغرور دا عايش الدور

ما بيكلم حد ؛ لكن بقربك منه

هتغير فكرتك و انطباعك عنه






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خالدامين
عضو فضى
عضو فضى
avatar

ذكر
الابراج : الجدي العمر : 31
عدد الرسائل : 897
تاريخ التسجيل : 07/05/2008
الوظيفه :
الهوايات :
درجه احترام العضو :
نقاط : 3371
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 3:15 pm

عارف انت بتتكلم في ايه يا انجنير


وانا نفسي وقعت في المطب ده قبل كده




واسئله بيونير في كرسي الاعتراف خير دليل


بس اننا اقصد اللي بيكونوا مغرورين فعلا
خصوصا لما بيتغر علي ناس هو لا يتميز عنهم في شيء



شكرا للاهتمام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت سنفا
عضو ذهبى
عضو ذهبى
avatar

انثى
الابراج : العذراء العمر : 11
عدد الرسائل : 925
تاريخ التسجيل : 09/12/2008
الوظيفه :
الهوايات :
درجه احترام العضو :
اوسمه 3 :
نقاط : 3159
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 4:03 pm

_تجده يتقمص دور الناصح الامين وهو احق الناس بالنصح في امور ينصح فيها فتجده مثلا في سن العشرينات ويتقمص دور الشخص الجاد اللذي لا يحب الطيش والتهريج علي حد قوله وكانه مثلا عالم بتروكيماويات في شركه انبي او بلاعيم<مش عارف اشمعني دول اللي انا قولتهم> وتجده ايضا يحاول ان يرسم صوره قد تتخيله من خلالها في الاربعينيات من العمر ان لم تكن قد رايته من قبل وقد يرسم ايضا الشخص المهموم بقضايا هي اكبر من حجمه وهي بعيد ه كل البعد عن اهتماماته

كل واحد أكيد لازم يعيش فترة المراهقة فترة روشنة كده
بس مش لدرجة روشنة الصياعة
أنا بحب جدا الرواشة والهبل بتاع شباب الأيام دي..ومبقدرش أمسك نفسي من الضحك لما اعدي جنب واحد ألاقيه عمال يتهابل هبل حلو كده
أما عن الجدية
فالجدية ليس لها سن محددة
والعمر كله يحتاج إلى هزل وجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت سنفا
عضو ذهبى
عضو ذهبى
avatar

انثى
الابراج : العذراء العمر : 11
عدد الرسائل : 925
تاريخ التسجيل : 09/12/2008
الوظيفه :
الهوايات :
درجه احترام العضو :
اوسمه 3 :
نقاط : 3159
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 4:08 pm

غالبا هي فتاه علي اعتاب الجواز او ربنا رزقها بجوازه كمويسه وفي الغالب هي من زوي التعليم المتوسط او فوق المتوسط وتجدها لا تتكلم جمله علي بعضها الا وتحشر فيها بعض الكلمات الانجلييزيه والتي تتلون في نطقها وتنطقها دائما بالشكل الخطأ وقد تجد ان الجمله كلها نطقت في غير موضعها ولكنها اتت بها فقط لنتطق بجديدها من الكلمات الانجليزيه حتي تتفلسلف علي امثالها واللذين قد يكونون افضل منها مليون مره تعليما وثقافه والماما بالانجلزيه ولكنه حب الظهور اللذي يعمي وهي خير نتاج لهوجه التمسك بالجنبي التي تنتشر بصوره كبيره في مجتمعنا فتجد مثلا محلا صغيره في عزبه زعزع مثلا وقد كتب صاحبه عليه مثلا سوبر ماركت باتمان ونادرا ماتجد من يكتب بقاله الاخلاص مثلا وهي كلمه ارفقي واشيك بكثير لو كنتم تعلمون
يقولون بان الفرنسي يعتز بلغتهه جدا حتي انك لاتجد من يتكلم معك بالانجليزيه في فرنسا حتي لو كان يتقنها.ومنذ فتره وبالرغم من ذلك قرات عن رساله بحثيه فرنسيه تتخوف من هجمه اللغات الاجنبيه علي اللغه الفرنسيه

فلك الله يا لغتنا العربيه


حصلت معانا إن مرة ضيوف اجانب قال جايين يزورو المدرسة ويشوفو مستوى الطلبة
ومدرسة الرياضيات راحت تعمل نفسها فزلوكة وتشرحلنا كلمه عربي وكلمة انجليزي
والكلام بتنطقه غلط في غلط في غلط
واحنا مش قادرين نمسك نفسنا من الضحك
والأجانب واحده منهم قالت
هي دي بتتكلم إيه؟

بعدها بسنة والله اتفرضت دورات لغة انجليزية على كل المعلمات
ومدرستنا اتحولت لمدرسة شراكة(يعين مش تبع التربية والتعليم لأ تبع شركة اجنبية)
منها لله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت سنفا
عضو ذهبى
عضو ذهبى
avatar

انثى
الابراج : العذراء العمر : 11
عدد الرسائل : 925
تاريخ التسجيل : 09/12/2008
الوظيفه :
الهوايات :
درجه احترام العضو :
اوسمه 3 :
نقاط : 3159
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 4:14 pm

2_شاب في العشرينات او في المرحله العمريه من 13 الي 25 سنه تلاقيه مسقط البنطلون وفاتح القميص شويه وفي الغالب بيكون لابس لبس غريب وغير متناسق وماسك الموبيلوالسيجاره ومشغل اغاني الموبيل علي اعلي صوت وماشي الساعه اتنين بالليلفي وسط البيوت والناس النايمه وبيحاول يتكلم مع زمايله بلهجه شبه قاهريه لكنها مفقوسه وتلاقيه شايل موبيل بالشيء الفلاني وعلبه سجاير بالشيء الفلاني وهدوم بالشيء الفلاني وبيحاول يتفلسف علي اللي حواليه ويتغندر عليهم ويعملك فيها ابن بارم ديله وهو اساسا مش لاقي ياكل وتلاقي ابوه طالع عينه في الشغل في الغيط او الورشه بتاعته وطالع عينه واخينا بيرجع ينام الفجر ويصحي العصر وولا بيشتغل ويساعد وولا بيتعلم وكله همه البنات وما اشبه من وسائل



الناس اللي بينزلو الباطيل مفيش ليهم مقاس
وبتنرفز أوي منهم
والناس اللي بيحاولو بيبينو سعر اللي معاهم بيكونو غالبا مزورين السعر وبس تفاخر
فيها إيه لو الواحد مشتراش غالي؟

أما الأهالي اللي بيشتغلو شغلانة صعبة عشان يوفورو الحياة الكريمة لولادهم واولادهم مش همهم
دولت بجد ربنا يعينهم
وربنا يهدي اولادهم يا رب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت سنفا
عضو ذهبى
عضو ذهبى
avatar

انثى
الابراج : العذراء العمر : 11
عدد الرسائل : 925
تاريخ التسجيل : 09/12/2008
الوظيفه :
الهوايات :
درجه احترام العضو :
اوسمه 3 :
نقاط : 3159
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 4:23 pm

بابا كان مرة بيحكيلنا عن زميل واحد صاحب
إيه التعقيد ده
المهم
بابا بيقول الراجل ده والله في الخمسينات
بس تشوف لبسه متقولش واحد في العشرينات
البنطلون نازل
والقميص وردي
والجماجم على كتافه
ورنة موبايل أخر حاجة
وماشي يعاكس البنات

وهنا ينطبق علي هذا الجد قول الدكتور المشهور
ياعم عيش سنك وثقافتك واعلم ان لكل مرحله عمريه تقاليدها الخاصه بها وكن نفسك ولا تتجاوز شخصيتك ايا كانت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت سنفا
عضو ذهبى
عضو ذهبى
avatar

انثى
الابراج : العذراء العمر : 11
عدد الرسائل : 925
تاريخ التسجيل : 09/12/2008
الوظيفه :
الهوايات :
درجه احترام العضو :
اوسمه 3 :
نقاط : 3159
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 4:31 pm

ياعم عيش ثقافتك واصلك وتربيتك وسيب نفسك علي طبيعتها ومتحاولش الا اذا اتغيرت غصب عنك طالما انه ليس تغييرا الي الافضل وليس تغييرا جوهريا


ياعم عيش عيشه اهلك وعيش علي قدك وعيش حجمك ومتعيش الدور واحترم خصوصيات الاخرين...ابوس ايدك

عندي بعض البنات اللي مصر مستعرو منهم ومن اخلاقهم
بنت منهم قالتلي
انتي اتعاكستي كم مرة؟
قلتلها
أنا مبحبش اتعاكس ابدا..وبتجنب الأماكن المختلطة

قالتلي
بالعكس..أنا بسعى للأماكن المختلطة..المعاكسة دليل على الحلاوة..مش عاوزة تثبتي إنك حلوة؟؟
رديت عليها أكدي وقلتلها لو على كده مش عاوزة حلاوة ولا لحمة وكلام كده

اتشفت لاحقا غن البنت دي اهلها متدينين ..ومفيش احسن من أخلاقهم
إيه ده
طب ليه سايبين بنتهم تشوه سمعتهم
سألتها في إحراج على سر ده
قالتلي
انا مرة قلتلهم إن جيلي غير جيلهم وزماني غير زمانهم ومينفعش اللي هم اتربو عليه اتربى عليه انا كمان..وهم اقتنعو
زمن الولاد بيربو الاباء فيه
سبحانك ربي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت سنفا
عضو ذهبى
عضو ذهبى
avatar

انثى
الابراج : العذراء العمر : 11
عدد الرسائل : 925
تاريخ التسجيل : 09/12/2008
الوظيفه :
الهوايات :
درجه احترام العضو :
اوسمه 3 :
نقاط : 3159
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 4:39 pm

الكلام الي هقوله دلوقتي مش عارفة إيه علاقت بالموضوع..بس أكيد ليه علاقة

الفكر العربي
ياعم عيش عيشه اهلك وعيش علي قدك وعيش حجمك
دي قصتي الواقعية
ههه

كنا ثلاث صديقات متحابات من سنة اولى
أفكارنا متشابهة
لم اتوقع ان نفترق أبدا
وها نحن الان في مرحلة المراهقة
افترقنا تماما
وفكر كل منا ذهب في اتجاه آخر

فإحدانا الان ليس همها إلا ان تلبس الضيق..والألوان الزاهية..مما يفتن الشباب

والأخرى ليس همها غلا من هو 0البوي فريند بتاعها0..فتكلم هذا وتضحك لهذا وتحرك وسطها

وانا والحمد لله أتمنى ان اكون في درب مستقيم

اكتشفت فعلا ان مرحلة المراهقة هي مرحلة حاسمة يجب فيها مراقبة الأهل للأبناء
فهاتان الفتاتان تراهم ملائكة أمام ىبائهم..ومحترمين في المدرسة
وياما ورا السواهي دواهي

انا فعلا فكرت اقول لأهل صديقتي القديمات
بس عرفت إن ده هيجيب مشاكل كتير ليا وليهم
وطلعت نفسي من الموضوع بعد ما نصحتهم ميت مليون مرة ولا زلت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت سنفا
عضو ذهبى
عضو ذهبى
avatar

انثى
الابراج : العذراء العمر : 11
عدد الرسائل : 925
تاريخ التسجيل : 09/12/2008
الوظيفه :
الهوايات :
درجه احترام العضو :
اوسمه 3 :
نقاط : 3159
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 4:47 pm

ختاما
احييك يا خالد على فكرك الرائع جدا والعاقل
لا تعليق عى كلامك

شكرا لموضوعك الكثر من رائع بكثير

وأعتذر للأطالة
جزاك الله خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خالدامين
عضو فضى
عضو فضى
avatar

ذكر
الابراج : الجدي العمر : 31
عدد الرسائل : 897
تاريخ التسجيل : 07/05/2008
الوظيفه :
الهوايات :
درجه احترام العضو :
نقاط : 3371
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 5:24 pm

اقتباس :
والجماجم على كتافه


مش فاهم ازاي الجماجم علي كتافه
رسم يعني والا ايه
والا هو دراكولا يعني



عالعموم انا بجد شاكر جدا لانك فهمتي القصد من النقطه دي بالذات لاني لا اقصد فقط من هم اصغر ويتقمصون دور الكبير العاقل الريشد
بل اقصد ان لكل شخص ان يعيش فترته السنيه بكل مافيها ولا يواجهها

فالجسم الانساني تتحكم فيه مجموعه من التفاعلات البيولوجيه والكيميائيه في جهازه العصبي وغيره
وتلك هي التي تدفعه الي التصرفات والسكنات والحركات والتفكير والتركيز وغيرها من الوظائف الحيويه والبشريه بالاساس ك.زكل ذلك حسب المرحله العمريه فبتقدم السن مثلا تذيد بعض هذه الاشياء وتقل بعضها
فكبير السن يتحرك قليلا ويفكر كثيرا ويهتم اكثر

وما امراض تقدم السن وغيرها الا لخلل في هذه العمليات مثل الزهايمر ومرض باركنسون وغيرهم


لي زميل في الجامعه كثير الكلام بدرجه كبيره جدا ويتصرف تصرفات غريبه جدا ويتحرك كثيرا وقمه في النشاط واليقظه
يفكر كثيرا جدا في صنع احداث خياليه ويصدقها ويسردها دون توقف حتي تظن انها حقيقيه وكثيرا ما يفقد امواله او اشياءه لاجل اشياء لا تستحق
قابلته شحاته مره فاعطاها 55 جنيه وفي موقف اخر طلب مني اجابه سؤال بسيط جدا وقال لي لو جاوبه ساعطيك 5جنيه فجاوبته فلم يجد سوي 10 جنيه فاعطاها لي كلها ولكني رددتها اليه بالطبع


كل هذه التصرفات هي تصرفات طفوليه قد تصدقها من طفل في سن الثامنه لكنك لا تصدقها من شاب في ال23

ولكن ذلك كله غير طبيعي فزميلي هذا يشكو من زياده الموصلات الكهربيه في المخ والجهاز العصبي مثل السيروتونين والاسيتيل كولين وغيرهم

هذا هو نتاج الخلل في التفاعلات البيولوجيه الداخليه كمثال ولكنه غير طبيعي فصاحب مثل هذه الحالات يعيش بعقله في مرحله سنيه مختلفه كثيرا عن مرحلته السنيهوهو مدفوع لذلك


ما اقصده هو انك لابد ان تترك نفسك لتفكيرها ولا تستورد افكارك من الاخرين طالما ان تفكيرك في حدود الدين والعقل اي في حدود المعقول فلا تتقمص شخصيات هي بعيده عن شخصيتك

فالحكمه والرشد والذاكره والتفكير والتامل والتركيز وغيرها من الامور هي امور داخليه لا شان بالسلوك الخارجي بها فالسلوك الخارجي هو ما يعبر عنها وليست هي ماتعبر عنه


ولذلك انا احزن كثيرا وقد يختلف معي كثيرون حين اجد في برنامج مثلا او في احد المساجد من يحضر طفلا صغيرا في الخامسه او السادسه او ماشابه ويجعلون الطفل يلقي خطبه علي مسامع الناس او يكلمهم في الدين واقرانه يلعبون ويمرحون ويجيئون هنا وهناك ويعتقدون ذلك رشدا او حكمه من طفل في السابعه

كان هناك من جاء باطفاله في السابعه والعاشره وجعلهم يلقون خطبه في مسجد الشعابنه بجوار منزلي وجاءت حشود من الناس لتستمع لهم
وبدا الطفلان في تسميع ما حفظوه من كلمات ويتوقفون كثيرا ليتذكرون ما حفظوه ثم يتلونه ثانيه وفترات يتكلمون بسرعه واخري ببطء شديد للتذكر وما بين هنيهه واخري يرتفعون باصواتهم لحد الجهر بالنسبه لسنهم لكن صوتهم في الاخر يخرج رقيقا مسرسعا
وبعد ان فرغوا شرع مضيفهم في الحديث عن اللحظه التاريخيه التي جمعته بهؤلاء الاطفال وكيف انهم ازهلوه وازهلوا الناس
وظللت افكر لما هم ازهلوا الناس علي حد قوله ولم يزهلوني انا
وتسائلت
1_هل يفهم هؤلاء الاطفال ما يرددونه من كلام قد لا يفهمه راشدون كبار
2_هل يتحمل الجهاز العصبي لهذا الطفل وهو في اوج مراحل نموه كل هذه الضغوط من حفظ وتلقين لكلام لا يفهمه ومواجهه الناس وتقمص دور الواعظ الناصح
في عالم الرياضه في الدول المتقدمه فكريا يستحيل ان يدمجوا اطفالهم ومن هم دون ال16 في منافسات او مسابقات تنافسيه تجعلهم يقعون تحت ضغوط لا يتحملها جهازهم العصبي وتجعلهم ينهارون بعد ذلك اذا ما وقفوا مواقف مماثله لانهم يعاكسون نمو جهازهم العصبي
فالعرف انك لا تاكل الطعام قبل ان ينضج ولا تستعمل الاله قبل ان يتم صناعتها وتكتمل
فلما تستهلكون الجهاذ العصبي لاطفالكم قبل اكتماله
3_الاصل في الواعظ ان يكون قدوه فهل يصح اتخاذ هؤلاء الاطفال قدوه
هل ينصحني طفل وقد اخرج الي الشارعلافاجده يلهو في التراب مثلا
4_لماذا تعاكسون خلقه الله
فاذا كنتم تحرمون مساحيق التجميل وجراحات التجميل لانها تغير خلقه الله فلما لا تحرمون معاكسه الفطره وخلق الله وارادته في خلقه فالله جعل الطفل طفلا ليهو ويلعب وهو ليس لهوا ان صحت التنسميه فلعبهم هذا ينمي زكائهم ويذيد قدراتهم ويكثر من احتكاكهم ويعلمهم الجراه والمواجهه
5_ما شعور هؤلاء الاطفال وهم يتحملون اعباء ومسؤوليات واقرانهم يلعبون ويمرحون ويعيشون سنهم



ده راي وارجو المناقشه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت سنفا
عضو ذهبى
عضو ذهبى
avatar

انثى
الابراج : العذراء العمر : 11
عدد الرسائل : 925
تاريخ التسجيل : 09/12/2008
الوظيفه :
الهوايات :
درجه احترام العضو :
اوسمه 3 :
نقاط : 3159
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 5:31 pm

مش فاهم ازاي الجماجم علي كتافه
رسم يعني والا ايه
والا هو دراكولا يعني



لأ
مش رسم
بس زي...زي
يعني عارف الـ
الـ
مش عارفة اسمها إيه
بس هي زي الميدالية كده بس بتتعلق على الكتاف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت سنفا
عضو ذهبى
عضو ذهبى
avatar

انثى
الابراج : العذراء العمر : 11
عدد الرسائل : 925
تاريخ التسجيل : 09/12/2008
الوظيفه :
الهوايات :
درجه احترام العضو :
اوسمه 3 :
نقاط : 3159
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 5:38 pm

أما بالنسبة لموضوع الأطفال الصغار
فكلامك صحيح مئة بالمئة..مع انني كنت اجد بعض الفرح في ذلك

كنت أفرح لأن هؤلاء الطفال يملكون ذكاء خارقا يؤهلهم لحفظ الخطب والقرآن..وانه لازال هناك من يهتم بالقرآن في الأمة
ولكني كنت أحزن لأنهم يسلبون طفولتهم
فكم من الناس يحفظون القرآن..ولكن ليس في هذه السن المبكرة..أالتي ربما كان اهلهم يجبرونهم عليها

وعلى فكرة
إجبار الأهالي أطفالهم على حفظ القرىن..يجعلهم يكرهون القرىن كثيرا
اعرف طفلا في ال13 من عمره يحفظ القرآن كاملا منذ نعومة أظافره..ولكن والده كان يستعمل أسلوب الضرب في تحفيظه
وهاهو الان يكره القرآن أشد الكه..ولا يطيق قراءته

انا لن أقول أن رأيي صحيح
فربما كان أولئك الأطفال ذووا موهبة خارقة
وربما كانوا يتمتعون بطفولتهم كباقي الأطفال

اما عن الأهل
فربما كانو يريدون الجنة
وما أتوقعه أنهم يريدون الشهرة والسمعة..


تحياتي للجميع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روح من نور
عضو فضى
عضو فضى
avatar

انثى
الابراج : العقرب العمر : 25
عدد الرسائل : 744
تاريخ التسجيل : 18/01/2009
الوظيفه :
الهوايات :
درجه احترام العضو :
نقاط : 3211
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 6:17 pm

عندك حق بس ايه المانع اما طفل بس فعلا يكون عنده موهبه انه يلقى خطبه بس ده فعلا لة عنده موهيه خارقة والكلام ده فاهمه وحافظة عن ظهر قلب



مش عارفة بس يمكن انت بتقول كده لاقتناعك بان كل حاجة ليها سنها
وانا معاك
وهحاول ارجع تانى ان شاء الله


دمت بود


لا اله الا الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نائب الجماعه
عضو فضى
عضو فضى
avatar

ذكر
الابراج : الميزان العمر : 31
عدد الرسائل : 558
تاريخ التسجيل : 19/09/2008
الوظيفه :
الهوايات :
درجه احترام العضو :
اوسمه 3 :
نقاط : 3318
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الأحد فبراير 01, 2009 11:50 pm

هو دة الكلام يادكتور



الله عليك يادكتور خالد

بس فية تعليق على الردود


الاستاذ جوكر عارفك كويس



ولية تعليق تانى ولا اقول بلاش


اشطة بالحليب

كفر





شكر




خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خالدامين
عضو فضى
عضو فضى
avatar

ذكر
الابراج : الجدي العمر : 31
عدد الرسائل : 897
تاريخ التسجيل : 07/05/2008
الوظيفه :
الهوايات :
درجه احترام العضو :
نقاط : 3371
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الإثنين فبراير 02, 2009 3:20 am

ازيك يا نائب


انت متاكد انه يعرفني كويس


طب ليه بيقول كده طيب


كلامه ده بيدل علي انه ميعرفنيش


والا ممكن .............حد عارف

عالعموم انت بتثبتنا والا ايه

مش تقول تعليق ايه اللي عاوز تتكلم فيه
عندك موقف انت كمان والا ايه زي استاذ جوكر













بس انت معلقتش عالموضوع



اعتب عليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خالدامين
عضو فضى
عضو فضى
avatar

ذكر
الابراج : الجدي العمر : 31
عدد الرسائل : 897
تاريخ التسجيل : 07/05/2008
الوظيفه :
الهوايات :
درجه احترام العضو :
نقاط : 3371
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الإثنين فبراير 02, 2009 3:30 am

منتظرين تعليقاتك يا روح من نور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نائب الجماعه
عضو فضى
عضو فضى
avatar

ذكر
الابراج : الميزان العمر : 31
عدد الرسائل : 558
تاريخ التسجيل : 19/09/2008
الوظيفه :
الهوايات :
درجه احترام العضو :
اوسمه 3 :
نقاط : 3318
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الإثنين فبراير 02, 2009 1:30 pm

مش تقول تعليق ايه اللي عاوز تتكلم فيه
عندك موقف انت كمان والا ايه زي استاذ جوكر



لاوالله يادكتور انا مكنتش هعلق عليك

لان انسان بسيط جداا

واى واحد يعرفك يحبك

وعمرى ما شوفتك مغرور ولا تنك


بالعكس انتا انسان محترم

ومتواضع جدااا


انا كنت هعلق على بنت سنفا بس خفت لتزعل منى

هى او اى عضو تانى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت سنفا
عضو ذهبى
عضو ذهبى
avatar

انثى
الابراج : العذراء العمر : 11
عدد الرسائل : 925
تاريخ التسجيل : 09/12/2008
الوظيفه :
الهوايات :
درجه احترام العضو :
اوسمه 3 :
نقاط : 3159
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الإثنين فبراير 02, 2009 3:42 pm

انا كنت هعلق على بنت سنفا بس خفت لتزعل منى

هى او اى عضو تانى


يا حلولو..علق يا نائب وانا هناقشك عادي
اتفضل
مستنياك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خالدامين
عضو فضى
عضو فضى
avatar

ذكر
الابراج : الجدي العمر : 31
عدد الرسائل : 897
تاريخ التسجيل : 07/05/2008
الوظيفه :
الهوايات :
درجه احترام العضو :
نقاط : 3371
السٌّمعَة : 0

مُساهمةموضوع: رد: ياعم ياللي عايش الدور..........فكك بقي من اللي انت فيه   الإثنين فبراير 02, 2009 4:14 pm

حلوه يا حلولو جدي



صحيح يا نائب ما تقول تعليقك ياعم


والا انت مكنتش تقول من الاول خالص ان عندك تعليق


البنيه من ساعتها مش علي بعضها وخايفه


كده والا ايه يا بنت سنفا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ياعم ياللي عايش الدور..........فكك بقي من اللي انت فيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
الجسر :: ملامح سنفاويه :: منتدى سنفا المحروسة-
انتقل الى: