الجسر
مرحبا بك على الصفحه الخاصه بابناء سنفا
نرحب بك ضيفا وعضو معنا من سنفا او من خارجها


الجسر منتدى شباب سنفا نقد هادف واراء صريحه
 
البوابةالرئيسيةمكتبة الصورس .و .جبحـثالأعضاءالتسجيلدخول

شاطر | 
 

 ماذا بعد التخرج؟!

اذهب الى الأسفل 
كاتب الموضوعرسالة
المدير
المدير العام
المدير العام
avatar

ذكر
الابراج : الحمل العمر : 33
عدد الرسائل : 878
تاريخ التسجيل : 06/04/2008
الوظيفه :
الهوايات :
درجه احترام العضو :
نقاط : 3819
السٌّمعَة : 1

مُساهمةموضوع: ماذا بعد التخرج؟!   الخميس فبراير 26, 2009 6:21 am

بسم الله
بدايه عايز اوضح ان قسم ما بعد التخرج مش قسم بيجمع كل اللى اتخرجو وخلصو كليات ويقعدو يتسامرو ويتعرفو وكأن هى دى المصطبه اللى الحكومه وعدتنا بيها اول منتخرج واللى كنا بنسمع عنها .. لا حتى المصطبه اللى كلنا سمعنا عنها مش موجوده
انما القسم ده اتعمل علشان الخريجين اللى ناويين يكملو فى الدراسات العليا ومحتاجين ارشاد من اللى قبلهم او الخريجين اللى نجحو فى اجتياز خطوات اصعب وعايزين يشاركو بخبراتهم او الناس اللى خلصت وربنا وفقهم واشتغلو سواء فى مصر او بره مصر ممكن يفيدو زمايلهم اللى اصغر منهم واللى لسه الطريق قدامهم مش واضح .. وطبعا كلنا بنكون فى الكليه وفى فتره الدراسه بنحلم باحلام ورديه ومستقبل سهل وسالك وفلوس بالهبل وعربيات وفيلل واوعى بقه الشغل هينزل يرف
لا يا جماعه والله انا معرفتش اى كليه فى الدنيا مستقبلها سالك كل المجالات عايزه تعب وشغل جامد ومش عايزه راحه والحياه مش لونها بمبى زى مبنقول
لازم الكل يشتغل ويتعب ويدور ويطور من نفسه وياخد قرصات ويتعلم اكتر علشان لو فرص العمل اللى قدامه مش كتير اكيد لما يقوى نفسه ويتعلم اكتر هيحسن من فرصته فى العمل وهيتميز بين زمايله ومنافسته هتكون اقوى وهيلاقى فرص احسن من اللى ممكن يلاقيها لما يكون خريج جديد انا مش بقول كلام انشا ولا كلام كتب انا بتكلم عن الواقع
علشان كده عملنا القسم ده للناس اللى لسه بتدرس واللى ناويين يختارو كلياتهم او تخصصاتهم علشان مخها يكبر شويه وتشوف المستقبل على الواقع من خبرات اللى سبقوهم
انا عن نفسى خريج جديد ومكنش فى دماغى اى حاجه وانا فى الكليه غير الاحلام الورديه والمستقبل المشرق ولما خلصت صدمت بالواقع واللوائح والقونين والتبعات فى مصر وعراقيل الطموح ومحطمات الثروه البشريه ومنستغربش لما نلاقى واحد كنا بنقول عليه مستقبله كويس واصبح بلا هويه او كل حياته فى سجاره وقعده على القهاوى ولعب الدومينو . اكيد الانسان ده كان كويس فعلا وكان عنده طموح ولما اتخرج لقى الحياه العمليه ملعبكه ومعرفش يروح فين ويجى منين واستسلم للواقع وده كتير بيحصل والنماذج دى مليه مصر
لكل مشكله حل .. ده كلام اكيد اكيد اكيد واللى بيفرق واحد من غيره انه يلاقى الحل او يلاقى واحد مخلص يدله على الحل ده
علشان كده القسم ده هيكون وظيفته ان اى عضو على المنتدى او طالب فى سنفا عايز مساعده هيطلبها من هنا وان شاء الله لو فيه على المنتدى ناس من نفس تخصصه هترد عليه وترشده ومش عيب .. كلنا بنتعلم ومحتاجين نتعلم اكتر ومش عيب ان حد يعلمك لان هو كمان بيتعلم ... كان فيه دكتور دايما يقولنا لو فى يوم بطلت تتعلم ووقفت عند حد معين من التعليم اعرف ساعتها انك فشلت وانتهيت
الدراسه لا تنتهى فى اى مجال سواء طب او هندسه او محاسبه او حقوق او غيره انا معرفش اى مجال بيقف عند حد معين من التعليم بس كلهم ممكن تكتفى فيهم بحد انت عايزه وساعتها ارضى بعيشتك ومتسألش عن اللى هيحصلك
لما الانسان بيخرج للحياه العمليه هيشوف حاجات عمره مهيتخيلها مثلا انا كنت ناوى على شهاده معينه وفوجئت انها ملهاش القيمه اللى كنت راسمها ولكنها قويه بس عارفين ليه ملهاش القيمه الكبيره دى .... لانى اكتشفت ان اليهود والافارقه هما اللى مسيطرين عليها مش ضعف فى عقول المصريين بس امكانيات مصر والمصريين الماديه مش مساعداهم علشان كده اليهود يتفوقون والمصريون يبتعدون ولكن فى ناس بتصمم وبتوصل
طبعا الكلام ده محدش هيعرفه غير لما يتخرج او انه يكون متواجد على منتدى زى ده مثلا ويلاقى حد يقوله او اصحابه فى الجامعه اللى فاهمين وللاسف والله فى ناس بتتخرج ومبتعرفش حل مشاكلها غير لما يفوت الاوان ويلاقى نفسه اشتغل فى فرن بعد الظهر علشان يعيش

انا والله مش عايز غير ان المنتدى ده يكون مفيد لانى استفدت كتير جداجداجدا من منتديات تانيه بنفس الطريقه يكفى انى عرفت طريقى وحددت هدفى بعد مقارنه عمليه ومبنيه على خبرات واقعيه من ناس قبلى مع انى لسه مدخلتش المرحله دى بس تحديد هدفك بدرى هيوفر عليك كتير وهيخليك تركز اكتر فى المطلوب منك وكل ده عن طريق المنتديات المفيده اللى مليه الدنيا يعنى الفكره ليست جديده ولا من ابتكارى ..انا زى ملقيت منتدى يدلنى عايز اساعد الناس بالمنتدى ده ويكفى حتى انك تعلم واحد طريقه البحث عن هدفه عبر النت
طبعا مش انا اللى هشيل القسم ده لانه مينفعش انا لوحدى .. انا ليه تخصص محدود مستعد اخدم فيه على قد مقدر واتمنى من اى حد فى مجال الطب انه يسأل عن استفساراته وانا ان شاء الله هحاول ادله على قدر استطاعتى ولو معرفتش هحاول اساعده فى البحث
يارت كل اعضاء المنتدى تساعد وتكتب مواضيع خاصه بتخصصاتها وانا عارف المنتدى مش زى المنتديات التانيه لان بلدنا صغيره بس اكيد الموضوع هيكون فى درجه افاده وخصوصا احنا تقريبا عندنا اعضاء فى كل التخصصات
طب وهندسه ومحاسبه وحقوق واثار وغيره



_________________



مع تحياتى:

http://www.kinawy.blogspot.com/
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.kinawy.blogspot.com/
no more tears
عضو جديد
عضو جديد
avatar

ذكر
الابراج : الميزان العمر : 27
عدد الرسائل : 17
تاريخ التسجيل : 10/06/2009
الوظيفه :
الهوايات :
درجه احترام العضو :
نقاط : 3284
السٌّمعَة : 0

مُساهمةموضوع: رد: ماذا بعد التخرج؟!   الخميس يونيو 11, 2009 12:49 pm

ميه ميه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أنا طبعى كدة
عضو جديد
عضو جديد
avatar

انثى
الابراج : الميزان العمر : 28
عدد الرسائل : 11
تاريخ التسجيل : 09/09/2009
الوظيفه :
الهوايات :
درجه احترام العضو :
نقاط : 3193
السٌّمعَة : 0

مُساهمةموضوع: رد: ماذا بعد التخرج؟!   الأربعاء سبتمبر 09, 2009 11:30 pm

كل واحد يهمه التخصص اللى هو فيه هيستفيد من التانى لية لو أنا مثلا طبيعة شغلى فى المحاسبة هستفيد ليه من المهندس أو حتى هستفيد اية ده مش مجال شغلى بالعكس أنا أدرس أكتر التخصص اللى أنا فيه فى حاجات لسة مش عرفاها فى تخصصى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
إشراقة أمل
عضو جديد
عضو جديد
avatar

انثى
الابراج : السمك العمر : 30
عدد الرسائل : 19
تاريخ التسجيل : 02/01/2010
الوظيفه :
الهوايات :
درجه احترام العضو :
نقاط : 3093
السٌّمعَة : 0

مُساهمةموضوع: رد: ماذا بعد التخرج؟!   السبت يناير 02, 2010 3:24 pm


السلام عليكم

بداية دى اول مشاركة ليا بمنتداكم اتمنى اكون ضيفة خفيفة عليكم
واتمنى يكون المنتدى متميز ومختلف عن باقى المنتديات

والله موضوع مهم وياريت نستفيد من خبرات الأكبر مننا فى جميع المجالات
لان فعلا واضح ان الحياة العملية والواقع مختلف تماما عن تفكيرنا

وبمناسبة هذا الموضوع وبما ان حضرتك طبيب
ممكن أسأل سؤال؟
يا ترى من وجهة نظر حضرتك ايه هى التخصصات الطبية المناسبة للمرأة؟؟

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المدير
المدير العام
المدير العام
avatar

ذكر
الابراج : الحمل العمر : 33
عدد الرسائل : 878
تاريخ التسجيل : 06/04/2008
الوظيفه :
الهوايات :
درجه احترام العضو :
نقاط : 3819
السٌّمعَة : 1

مُساهمةموضوع: رد: ماذا بعد التخرج؟!   الجمعة يناير 08, 2010 2:05 am

نورتى المنتدى يا دكتوره واتمنى ان المنتدى يكون قد ثقتك واعذرينا لقله نشاط المنتدى فى الفتره دى لان طبعا كلنا مشغولين جدا والمنتدى عايز اداره موجوده على طول بس ان شاء الله نحاول نرجع بيه تانى
ردا على سؤالك افتكر ان المراه دخلت كل اقسام الطب وبجداره المهم انت عايزه ايه ومتميزه فى ايه اكيد هو ده القسم اللى هيناسبك
ده يرجع لميولك يعنى فى دكاتره بنات بتحب الشغل والابداع وعندها جراه انها تدخل مجالات الجراحه وفى دكاتره بتفضل تبعد عن اقسام النوبتجيات او بتحب الشغل الخفيف اللى تقدر توفق فيه بين حياتها الاسريه وشغلها ودى اقسامها كتير والاختيار ليك
وانا تحت امرك فى استفسار يا كتوره

_________________



مع تحياتى:

http://www.kinawy.blogspot.com/
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.kinawy.blogspot.com/
إشراقة أمل
عضو جديد
عضو جديد
avatar

انثى
الابراج : السمك العمر : 30
عدد الرسائل : 19
تاريخ التسجيل : 02/01/2010
الوظيفه :
الهوايات :
درجه احترام العضو :
نقاط : 3093
السٌّمعَة : 0

مُساهمةموضوع: رد: ماذا بعد التخرج؟!   الخميس يناير 14, 2010 9:00 pm

شكرا جزيلا للاهتمام والرد يا دكتور
بس معلش كان فيه استفسار كمان :
انا سمعت ان الاقسام اللى مفيش فيها نوبتجيات بتبقى محتاجة تقدير عالى
ممكن اعرف الاقسام دى هى ايه؟ والتقدير فعلا بيتحكم ازاى؟

جزاك الله خيرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ماذا بعد التخرج؟!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الجسر :: منتدى التعليم العالى والثانوى :: قسم مابعد التخرج-
انتقل الى: